Gazetaraj Komunikoj de UEA

N-ro 4 (1998-06-15)

Propono de Transnacia Radikala Partio ne sukcesis

Komence de 1997 Transnacia Radikala Partio (TRP) proponis al la Komitato de Ne-Registaraj Organizaĵoj (NRO-j) havantaj oficialajn rilatojn kun UN, ke la Komitato siavice proponu al la Ĝenerala Sekretario de UN enmeton de la demando de internacia helplingvo en la tagordon de la Ekonomia kaj Socia Konsilio de UN.

TRP celis, ke ĝia propono estu traktita de la Komitato de NRO-j en ties kunsido en majo 1997. Prepare por tio la prezidanto de UEA, prof. Lee Chong-Yeong, kaj aliaj reprezentantoj de UEA kiuj tiam estis en Novjorko lige kun la fondo de Koalicio por Internacia Helplingvo, asistis per lobiado la strebojn de TRP por gajni subtenon por la propono. Pro manko de tempo la Komitato tamen ne povis trakti la proponon kaj prokrastis ĝin je unu jaro.

La propono de TRP estis fine traktita komence de junio ĉi-jare. Post 20-minuta debato ĝi estis malakceptita.

Lasta ŝanĝo:

2003-03-18

Adreso:

http://uea.org/dokumentoj/komunikoj/gaz04.htm