Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
Gazetaraj Komunikoj de UEA
2020  2019  2018  2017  2016  2015  2014  2013  2012  2011  
2010  2009  2008  2007  2006  2005  2004  2003  2002  2001  2000  1999  1998  

N-ro 230 (2006-03-22)
Dojeno de la Delegita Reto festos 100-jariĝon

La dojeno de la Delegita Reto de UEA, s-ro René Llech-Walter, festos sian 100-an naskiĝdaton la 30-an de marto. Jam ekde 1932 li plenumas la oficon de delegito de UEA en sia hejmurbo Perpignan en Francio. De 1955 ĝis 1964 li estis ankaŭ estrarano de UEA. Ĉambro en la Centra Oficejo de UEA portas lian nomon memore al lia kontribuo por la aĉeto de la propra domo de la Asocio en Roterdamo komence de la 60-aj jaroj. Llech-Walter estas honora prezidanto de Unuiĝo Franca por Esperanto. Krom en UEA, li estas dumviva membro en Internacia Katolika Unuiĝo Esperantitsta.

Llech-Walter estas unu el la plej konataj kulturaj agantoj inter katalunoj en Francio. En 1982 la franca eduka ministerio rekonis lian aktivadon per sia plej grava distingo, promocio al la rango de Komandoro en la Ordeno de Akademiaj Palmoj.

En sia gratula letero al la jubileulo la prezidanto de UEA, d-ro Renato Corsetti, skribis interalie: "Vi estas delegito de UEA ekde la jaro 1932, kaj tiel vi estas la dojeno de ĉiuj delegitoj de UEA, kies atenton UEA altiros al via dat-reveno, por ke ili rigardu al vi, kiel al ekzemplo de forta servanto de la Esperanto-komunumo dum pli ol 75 jaroj. Temas, laŭ mia scio, pri vera rekordo."


Gratulkartojn al s-ro Llech-Walter oni povas sendi laŭ lia adreso en la Jarlibro de UEA (Perpignan, Francio).

Mallonga ligilo por tiu ĉi komuniko: uea.org/gk/230a1

El Gazetaraj Komunikoj

Propono prifesti la Zamenhof-datrevenon progresas ĉe Unesko
Gazetaraj Komunikoj n-ro 588 (2015-09-27)

Enketado pri la Delegita Reto
Gazetaraj Komunikoj n-ro 164 (2003-01-22)

Manifesto 2000: UEA en la monda pinto
Gazetaraj Komunikoj n-ro 101 (2000-10-17)

Subskribokampanjo por Manifesto 2000 plu daŭras
Gazetaraj Komunikoj n-ro 93 (2000-09-04)

Manifesto 2000 por Kulturo de Paco kaj Senperforto
Gazetaraj Komunikoj n-ro 58 (1999-11-19)

Ĉiu Gazetara Komuniko de UEA estas libere uzebla laŭ la Permesilo CC BY 4.0.
 
Supren
UEA, 2020