Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
Gazetaraj Komunikoj de UEA
2020  2019  2018  2017  2016  2015  2014  2013  2012  2011  
2010  2009  2008  2007  2006  2005  2004  2003  2002  2001  2000  1999  1998  

N-ro 237 (2006-07-11)
Jam mil membroj uzas la retan Jarlibron

Kiel uzantoj de la reta Jarlibro (http://reto.uea.org) jam registriĝis pli ol 1000 individuaj membroj de UEA. La nombro estas tiom ronda, ke indas prezenti pli detalajn statistikojn.

Entute ne estas granda diferenco kompare kun la ĝenerala laŭlanda membrostatistiko de UEA. La unuaj 7 pozicioj en la listo de la uzantoj de la reta Jarlibro estas samaj kiel en la ĝenerala listo: Francio (105), Usono (92), Germanio (74), Brazilo (64), Japanio (44), Italio (42), Nederlando (37). La diferencoj estas nur en la ordo: elstare alte interretigita Usono okupas la duan lokon anstataŭ la "ĝenerala" kvara; ankaŭ viglaj brazilanoj en la reto antaŭas la japanojn. En la tujsekva parto de la listo aparte aktivaj en Interreto sin montris UEA-membroj de Rusio, Danio kaj Israelo, kies nombroj proporcie pli grandas en la reta Jarlibro ol en la ĝenerala membrostatistiko.

Sume oni nun trovas inter la uzantoj de la reta Jarlibro reprezentantojn de 92 ŝtatoj, de ĉiuj kvin kontinentoj. Tio daŭre estas malpli multe ol "eksterrete", kie UEA havas membrojn en 118 landoj. Sed konsiderante, ke en 2006 nur ĉ. duono de UEA-membroj deklaris, ke ili posedas retadresojn, tio estas ne malbona atingo.

Mallonga ligilo por tiu ĉi komuniko: uea.org/gk/237a2

El Gazetaraj Komunikoj

Zlatko TIŠLJAR: nova Honora membro de UEA
Gazetaraj Komunikoj n-ro 898 (2020-08-08)

La unuan fojon Unesko uzos Esperanton en festivalo
Gazetaraj Komunikoj n-ro 820 (2019-08-25)

Du novaj membroj de la Honora Patrona Komitato
Gazetaraj Komunikoj n-ro 748 (2018-08-09)

Nova honora membro de UEA: NGUYỄN Xuân Thu
Gazetaraj Komunikoj n-ro 694 (2017-07-23)

Du novaj membroj de la Honora Patrona Komitato
Gazetaraj Komunikoj n-ro 695 (2017-07-23)

Ĉiu Gazetara Komuniko de UEA estas libere uzebla laŭ la Permesilo CC BY 4.0.
 
Supren
UEA, 2020