Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
TEJO aktuale
2016  2015  2014  2013  2012  2011  2010  2009  2008  

N-ro 422 (2016-03-04)
UEA planas aĉeti loĝejon por volontuloj en Roterdamo

La Estraro de UEA planas aĉeti loĝejon kun pluraj dormoĉambroj por volontuloj en Roterdamo. La limigita dormo-spaco en la Centra Oficejo de UEA momente malfaciligas la akcepton de volontuloj. Tamen volontulaj laborfortoj estas nepre bezonataj sur la diversaj agadkampoj de UEA, kaj multaj esperantistoj pretus labori volontule por UEA en Roterdamo. Laŭ la Prezidanto de UEA, Mark Fettes, la plivastigon de la Volontula Servo ebligos la haveblo de eŭropaj subvencioj. Por financi la aĉeton UEA lanĉos tutmondan donackampanjon. Ne nur donacoj etaj kaj grandaj estos akceptataj, sed ankaŭ pruntedonita mono je malgranda aŭ nenia interezo. Teamo de oficistoj sub la gvido de Veronika Poór, Vica Ĝenerala Direktoro de UEA, esploros pri taŭgaj loĝejoj en Roterdamo. Por ricevi pliajn informojn, bonvolu retleteri al: domo@co.uea.org. Donacojn eblos fari tra la kontoreto de UEA. Vidu: http://uea.org/alighoj/pagmanieroj. Bonvolu aldoni la priskribon: Konto voldom.



Ĉiu Gazetara Komuniko de UEA estas libere uzebla laŭ la Permesilo CC BY 4.0.
 
Supren
UEA, 2020