Ĉu vi unuafoje venis ĉi tien kaj estas aktuala UEA-membro/servouzanto? Registru vin!
Ĉu vi forgesis la pasvorton? Restarigu ĝin!
Ĉu forgesiĝis la salutvorto? Ricevu rememorigon!
UEA?Pardonpeton!
La vera aspekto de la retejo ne povas por esti korekte rigardata per via retumilo.
La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
Fakaj Asocioj
Fakaj Asocioj, ordigitaj laŭfake
Estu montrataj: ĈIUJ ASOCIOJ
Ateismo
Bahaismo
Biciklado
Blinduloj
Budhismo
Ekologio
Ekonomio
Etnismo
Eŭropa agado
Evangeliismo
Fervojistoj
Filatelo
Framasonoj
Freinet-pedagogio
Futbalo
Goo
Handikapitoj
Hilelismo
Instruado
Interreto
Islamo
Juro
Ĵurnalismo
Kat-amantoj
Katolikismo
Komunismo
Komunumoj
Konstruistoj
Kvakerismo
Laborista Esperanto-movado
Martinus-kosmologio
Medicinistoj
Mondcivitanismo
Mormonoj
Motorciklantoj
Muziko
Naturismo
Naturkuracado
Nefumismo
Numismatiko
Oomoto
Progresema agado
Radioamatoroj
Religi-komparado
Rotario
Samseksamo
Saniĝo per spiritaj fortoj
Scienco
Sindikatoj
Skoltoj
Solidareco
Spiritismo
Sporto
Tajĝiĉĵŭano
Tea kulturo
Turismo
Unu mondo
Ŭonbulismo
Vegetarismo
Veteranoj
Vivstilo
Ateismo
Ateista Tutmonda Esperanto-Organizo (ATEO)
Fondita en 1987, kunlaboranta kun UEA ekde 1990
Celoj:Kunligi esperantistajn ateistojn kaj liberpensulojn.
Bahaismo
Bahaa Esperanto-Ligo (BEL)
Fondita en 1973, kunlaboranta kun UEA ekde 1975
Celoj:Diskonigi Bahaismon inter esperantistoj kaj Esperanton inter bahaanoj.
Biciklado
Biciklista Esperantista Movado Internacia (BEMI)
Fondita en 1980
Celoj:Diskonigi E-on inter biciklantoj kaj biciklemon inter la esperantistoj; aranĝi internaciajn biciklo-karavanojn; servi kiel kontaktilo por sole vojaĝantaj biciklistaj esperantistoj; krei multlingvan biciklo-vortareton.
Blinduloj
Ligo Internacia de Blindaj Esperantistoj (LIBE)
Fondita en 1950, aliĝinta al UEA en 1981
Celoj:Disvastigi Esperanton inter blinduloj kaj informi pri la vivo de diverslandaj blinduloj.
Ekologio
Asocio de Verduloj Esperantistaj (AVE)
Fondita en 1984, kunlaboranta kun UEA ekde 1994
Celoj:AVE-anoj aktivas en la verda movado aŭ verdaj partioj, kio signifas ke ili subtenas ekologion, daŭripovan ekonomion, malferman kaj justan socion, kaj konfliktsolvadon per ne-militaj metodoj.
Ekonomio
Internacia Komerca kaj Ekonomia Fakgrupo (IKEF)
Fondita en 1985, aliĝinta al UEA en 1994
Celoj:Antaŭenigi Esperanton en komerco kaj ekonomio per ĝia praktika uzado; ligi esperantistojn el tiuj kampoj. Instigi internacian negocon inter e-istaj komercistoj; reklamoj kaj tradukservoj por entreprenoj, terminara laboro; lekciado, instruado kaj verkado pri fakaj temoj; kunlaborado kun komercaj ĉambroj.
Etnismo
Internacia Komitato por Etnaj Liberecoj (IKEL)
Fondita en 1978, kunlaboranta kun UEA
Celoj:Kolekti kaj diskonigi informojn pri etnaj grupoj kaj forigi diskriminacion inter ili.
Eŭropa agado
Asocio por Eŭropa Konscio (AEK)
Celoj:Konsciigi
pri la neceso evoluigi eŭropan identecon kun eŭropa lingvo.
Eŭropa Esperanto-Unio (EEU)
Fondita en 1977
Celoj:Kunlabora organizaĵo de la landaj asocioj de UEA en EU.
Eŭropo Demokratio Esperanto (EDE)
Fondita en 2003, kunlaboranta kun UEA ekde 2006
Celoj:Politika movado, organizita kiel partio, por plidemokratiigo de Eŭropa Unio i.a. per uzado de Esperanto.
Evangeliismo
Kristana Esperantista Ligo Internacia (KELI)
Fondita en 1911, kunlaboranta kun UEA
Celoj:Ligi evangeliajn esperantistojn; kontaktigi kristanojn el diversaj landoj kaj eklezioj; diskonigi la Evangelion inter esperantistoj.
Fervojistoj
Internacia Fervojista Esperanto-Federacio (IFEF)
Fondita en 1909, aliĝinta al UEA en 1953
Celoj:Disvastigi kaj apliki Esperanton en la fervojaj administracioj kaj en la fervojistaj medioj kaj rondoj.
Filatelo
Esperanto-Ligo Filatelista/Amika Rondo de Esperantaĵ-Kolektantoj (ELF)
Fondita en 1968, kunlaboranta kun UEA ekde 2008
Celoj:Informi pri Esperantaj filatelaĵoj kaj glumarkoj; partopreni en ekspozicioj per E-filatelaĵoj; konigi Esperanton inter filatelistoj.
Goo
Esperantista Go-Ligo Internacia (EGLI)
Fondita en 1979, kunlaboranta kun UEA ekde 1979
Celoj:Disvastigi Esperanton per la ludo goo, kaj goon per Esperanto.
Handikapitoj
Asocio de Esperantistaj Handikapuloj (AEH)
Fondita en 1991, kunlaboranta kun UEA ekde 1996
Celoj:Disvastigi E-on inter handikapitaj civitanoj; ebligi al ili partoprenon en la E-movado.
Instruado
Internacia Ligo de Esperantistaj Instruistoj (ILEI)
Fondita en 1949, aliĝinta al UEA en 1990
Celoj:Akceli la instruadon de Esperanto; trejni instruistojn; okazigi ekzamenojn; eldoni modernajn lernilojn; proksimigi kaj kunordigi E-klasojn.
Interreto
Esperanto@Interreto (E@I)
Fondita en 2001
Celoj:Realigi projektojn kiuj helpas al Esperanto-parolantoj uzi Interreton por tutmonde kunlabori, informi pri Esperanto kaj instrui ĝin. E@I kreas retpaĝarojn, aranĝas seminariojn kiel Esperanto kaj Interreto kune uzeblas por tutmonde komuniki facile kaj rapide.
Juro
Internacia Jurista Esperanto-Asocio
Fondita en 1989, kunlaboranta kun UEA ekde 1992
Celoj:Informi juristojn pri Esperanto, apliki Esperanton sur ĉiuj juraj kampoj, kontribui siafake al edukado por tutmonda konscio.
► Juro
Ĵurnalismo
Tutmonda Esperantista Ĵurnalista Asocio (TEĴA)
Fondita en 1948, kunlaboranta kun UEA ekde 1948
Celoj:Servi al profesiaj kaj amatoraj ĵurnalistoj kaj internacie reprezenti iliajn interesojn.
Kat-amantoj
Rondo “Kato”/Esperantista Kat-amikaro (RK)
Fondita en 1986, kunlaboranta kun UEA ekde 2006
Katolikismo
Internacia Katolika Unuiĝo Esperantista (IKUE)
Fondita en 1910, kunlaboranta kun UEA ekde 1951; agnoskita de la Sankta Seĝo
Celoj:Evangelizado; Eklezia unueco; homa interkompreno, frateco kaj paco; ekumenismo.
Konstruistoj
Tutmonda Asocio de Konstruistoj Esperantistaj (TAKE)
Fondita en 1993
Celoj:Arigi Esperanto-parolantojn, fakulojn pri konstruado por profesiaj interŝanĝoj, faka aplikado de Esperanto kaj terminologia laboro.
Kvakerismo
Kvakera Esperanto-Societo (KES)
Fondita en 1921, kunlaboranta kun UEA ekde 1971
Celoj:Informi kvakerojn pri Esperanto kaj esperantistojn pri kvakerismo.
Laborista Esperanto-movado
Sennacieca Asocio Tutmonda (SAT)
Fondita en 1921 de E. Lanti
Celoj:helpi al progresemuloj tra la mondo: interkompreniĝi, informiĝi, kleriĝi, plibonigi la vivon, interrilati por agadi kontraŭ subpremo ktp.
Martinus-kosmologio
Martinus-lnstituto
Celoj:Organizas E-lingvajn kursojn pri la verkoj de Martinus. Aktuale aperigas la libron Martinus kaj la nova mondmoralo de Ole Therkelsen.
Medicinistoj
Universala Medicina Esperanto-Asocio (UMEA)
Fondita en 1908, aliĝinta al UEA
Celoj:Disvastigi kaj apliki Esperanton en medicinaj rondoj. Organizi ĉiun duan jaron Internacian Medicinistan Esperanto-Kongreson, organizi ĉiujare jarkunvenon de UMEA enkadre de la Universala Kongreso de Esperanto.
Mondcivitanismo
Esperantista Internacia Centro de Mondcivitanoj (EICM)
Fondita en 1949
Celoj:Starigi tutmondajn leĝojn kiuj donos al la individuoj kaj popoloj garantiojn por ilia vivteno, sekureco, libereco, er balotelektoj al la Konstitucianta Asembleo de la Popoloj.
Muziko
Muzika Esperanto-Ligo (MEL)
Fondita en 1963, kunlaboranta kun UEA ekde 1963
Celoj:Kunligi muzikistojn kaj muzikamantojn per Esperanto; instigi kreadon de muzikverkoj kaj Esperanto-ĥorkantadon.
Esperanto-Universala Rok-Organizo, Kolektiva Komunik-Asocio (EUROKKA)
Fondita en 1988, faka sekcio de TEJO ekde 1991
Celoj:Peri kontaktojn inter E-rok/pop/folk-bandoj kaj organizantoj
de kulturaj E-aranĝoj; infoimi esperantistojn pri la vivo kaj evoluo
de lia muziko; distribui/produkti registraĵojn de tia muziko.
Naturismo
Internacia Naturista Organizo Esperantista (INOE)
Fondita en 1961, kunlaboranta kun UEA ekde 1978
Celoj:Disvastigi E-on en naturistaj nudistaj medioj; interligi ilin.
Naturkuracado
Internacia Naturkuraca Asocio (INA)
Fondita en 1986
Celoj:Interligi fakulojn kaj interesatojn pri la naturkuracado, alternativaj kuracmetodoj, ekz. homeopatio, orienta (ĉina kaj hinda) medicino, kiropraktiko, vegetarismo, radiestezo kaj aliaj tradiciaj medicinoj.
Nefumismo
Tutmonda Asocio de Esperantistaj Nefumantoj (TADEN)
Fondita en 1995
Celoj:Protekti la sanstaton de nefumantaj esperantistoj kontraŭ la atakoj de brulanta tabako; informi pri nefumismo.
Oomoto
Esperanto-Populariga Asocio (EPA)
Fondita en 1923, kunlaboranta kun UEA ekde 1985
Celoj:Disvastigi Esperanton por realigi mondpacon.
Progresema agado
Monda Asembleo Socia (MAS)
Fondita en 2005, kunlaboranta kun UEA ekde 2009
Celoj:Tutmonda konstanta asembleo funkcianta ekskluzive retpoŝte kaj rete, bazdemokratie, do sen prezidanto, plenumkomitato aŭ alia estraro, nek konfliktkomisiono, kaj sen kotizoj. MAS regule eldonas Esperantajn librojn, jam pli ol 200 titolojn. Progresemaj homoj (ekz-e legantoj de “Le Monde diplomatique en Esperanto”), kiuj volas ne nur legi, sed ankaŭ diskuti kaj agi - precipe per disvastigo de siaj originale verkitaj aŭ tradukitaj tekstoj -, interesiĝas pri MAS.
Radioamatoroj
Internacia Ligo de Esperantistaj Radioamatoroj (ILERA)
Fondita en 1970, kunlaboranta kun UEA
Celoj:Praktiki Esperanton per la radio-ondoj kaj konigi nian lingvon inter ĉiuj radioamatoroj.
Religi-komparado
Asocio de Studado Internacia pri Spiritaj kaj Teologiaj Instruoj (ASISTI)
Fondita en 1989, kunlaboranta kun UEA ekde 1991
Celoj:Religikompara esplorado; religia interkompreniĝo; eldonado de diversreligiaj tekstoj; forumo por religiaj kaj spiritaj demandoj; homaranismologio.
Rotario
Rotaria Amikaro de Esperanto (RADE)
Celoj:RADE celas realigi la idealojn de Rotario Internacia por interkompreno, amikeco kaj paco inter la nacioj, faciligi la personajn kontaktojn inter rotarianoj de malsama lingvo-deveno kaj kunlabori en la edukaj kaj humanitaraj servoj de Rotario Internacia.
Samseksamo
Ligo de Samseksamaj Geesperantistoj (LSG)
Fondita en 1977, kunlaboranta kun UEA ekde 1990
Celoj:Informi pri geja vivo; interkonatigi samseksamajn geesperantistojn leteramike kaj vojaĝe; informi pri E-o inter lesboj kaj gejoj.
Saniĝo per spiritaj fortoj
Amikaro Bruno Gröning, Esperanto-sekcio
Fondita en 1992, kunlaboranta kun UEA ekde 1996
Celoj:Bruno Gröning (1906-59) konatiĝis pro mirindaj saniĝoj dum siaj prelegoj en Germanio kaj Aŭstrio. En 1959 li mortis, sed postlasis scion pri la akcepto de spirita sanigoforto, kiu ĝis hodiaŭ denove helpas milojn al resaniĝo. Amikaro Bruno Gröning estas loza kuniĝo de homoj en ĉiuj kontinentoj (pli ol 80 000 geamikoj en la jaro 2016), kiuj interesiĝas pri la instruo de Bruno Gröning, kaj pro dankeco pri spertitaj helpoj kaj saniĝoj transdonas ĝin al aliaj. Senpage oni povas lerni ĉi tie akcepti la spiritan sanigoforton laŭ la instruo de Bruno Gröning. La Medicin-Scienca Fakgrupo (MWF) de Amikaro Bruno Gröning intertempe kunigas ĉ. 5000 kuracistojn, naturkuracistojn kaj aliajn personojn el kuracaj profesioj en 50 landoj. La fakuloj de la grupo medicine kontrolas la registritajn saniĝojn el la amikaro. Per publikigoj, prelegoj kaj internaciaj kunvenegoj, fakrondoj kaj helposerĉantoj en intertempe pli ol 40 landoj estas klerigataj pri la eblecoj de la spirita saniĝado. La medicinistoj de MWF vidas en la kunigo de la moderna medicino kaj serioza spirita saniĝo la necesan koncepton por la nuntempa sansistemo.
Scienco
Internacia Scienca Asocio Esperantista (ISAE)
Fondita en 1906, aliĝinta al UEA
Celoj:Apliki Esperanton en sciencteknikaj sferoj per asocia organo kiel ligilo inter interesatoj pri sciencaj aferoj el ĉiuj fakkampoj.
Skoltoj
Skolta Esperanto-Ligo (SEL)
Fondita en 1918, kunlaboranta kun UEA
Celoj:Disvastigi la skoltajn idealojn per E-o, kaj E-on inter skoltoj; krei skoltan literaturon en E-o.
Spiritismo
Spirita Eldona Societo "F.V.Lorenz"
Fondita en 1975, kunlaboranta kun UEA ekde 1996
Celoj:Diskonigi Esperanton inter spiritistoj kaj spiritismon inter esperantistoj.
Tea kulturo
Teamanta Esperantista Organizo (TEO)
Fondita en 2019, kunlaboranta kun UEA
Celoj:kunigi kaj interkonatigi homojn kaj instituciojn, kiuj ŝatas aŭ/kaj science esploras teon kaj teo-kulturon, laboras pri tea industrio kaj tea kulturo.
Vegetarismo
Tutmonda Esperantista Vegetarana Asocio (TEVA)
Fondita en 1908, kunlaboranta kun UEA ekde 1980
Celoj:Disvastigi Esperanton inter vegetaranoj/veganoj kaj vegetarismon inter esperantistoj.
Veteranoj
Veterana Esperantista Klubo (VEK)
Fondita en 1949, kunlaboranta kun UEA ekde 1957
Celoj:Dokumenti esperantistojn kies profundaj spertoj estos utilaj por historiistoj kaj gvidantoj de la movado.
Vivstilo
Movado sen Nomo
Celoj:Atentigi pri la emociaj bezonoj de la homoj kaj kontribui al la kulturo de la koro. Ĝia nomo rilatas i.a. al la anonimeco de ĝia bonfara agado kaj al la deziro ne aparteni al iu socia tendenco.
► Vivstilo
UEA, 2020