Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
Gazetaraj Komunikoj de UEA
2020  2019  2018  2017  2016  2015  2014  2013  2012  2011  
2010  2009  2008  2007  2006  2005  2004  2003  2002  2001  2000  1999  1998  

N-ro 596 (2015-11-24)
Esperanto en la 47-a konferenco de ALTE

De la 11-a ĝis la 13-a de novembro okazis en la itala urbo Perugia la 47-a konferenco de la Asocio de Lingvotestistoj en Eŭropo (ALTE), kies institucia membro por Esperanto estas UEA. Zsófia Kóródy, membro de la Komisiono de UEA pri la Ekzamenoj laŭ la Komuna Eŭropa Referenckadro (KER), reprezentis UEA en la konferenco, kies loka organizanto estis la Lingvotesta Centro de la Universitato por Eksterlandanoj de Perugia (Universita per Stranieri di Perugia). La konferenca ĉeftemo estis la certigo de kvalito en la lingvotestado kaj taŭgaj metodoj de kvalitkontrolo. Krom el eŭropaj landoj, partoprenantoj venis ankaŭ el ekster Eŭropo, ĉar ĉiam pli da ekstereŭropaj universitatoj kaj lingvoekzamenaj centroj uzas la KER-sistemon.

Zsófia Kóródy partoprenis aktive en la laborkunsidoj de du specialaj interesgrupoj (SIG). En tiu pri ekzamenoj por junaj lernantoj partoprenis reprezentantoj de naŭ lingvoj, kiuj kun granda intereso aŭskultis ŝian raporton pri lerneja kaj eksterlerneja Esperanto-instruado en la mondo. La laborgrupo pri instruista trejnado traktis ĉefe la instruadon de naciaj lingvoj al migrantoj kaj analizis la uzon de kategori-tabeloj por lingvoinstruistoj laŭ iliaj kvalifiko, sperto, laborjaroj ktp.

Kóródy partoprenis ankaŭ trejnsesion pri la rolo de ekzamenanto ĉe parolaj ekzamenoj kaj pri la analizado de elementoj, kiuj certigas ilian kvaliton. Estis prezentitaj bonaj tabeloj kaj formularoj, kiuj helpas tiun analizadon kaj montras, kiuj psikologiaj, enhavaj, administraj k.a. elementoj estas konsiderendaj por certigi la kvaliton de tiuj ekzamenoj. Raportante pri la konferenco, Zsófia Kóródy ĝojis konstati: "Kaj en la diskutrondoj kaj en la laborgrupoj estis agrable sperti, ke la delegitoj havis bonan opinion pri Esperanto kaj interesiĝis pri ĝia disvastiĝo."

El Gazetaraj Komunikoj

Alvoko por la 43-a Esperantologia konferenco en Montrealo
Gazetaraj Komunikoj n-ro 845 (2020-01-30)

Esperanto prezentita en ALTE-konferenco
Gazetaraj Komunikoj n-ro 521 (2013-11-14)

UEA en NRO-konferenco de Unesko
Gazetaraj Komunikoj n-ro 485 (2012-12-20)

Fina deklaro de UN-konferenco: plena sukceso de UEA
Gazetaraj Komunikoj n-ro 428 (2011-09-21)

UEA aktivis ĉe UN-konferenco
Gazetaraj Komunikoj n-ro 426 (2011-09-07)

Ĉiu Gazetara Komuniko de UEA estas libere uzebla laŭ la Permesilo CC BY 4.0.
 
Supren
UEA, 2020