Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
tekoiku2019 → rudolf carnap, ...
Rudolf Carnap, la esperantisto
Ulrich Lins
Resumo

Rudolf Carnap (1891–1970), germano, unu el la grandaj filozofoj de la pasinta jarcento, en sia junaĝo entuziasmiĝis por Esperanto. Tion li malkaŝas en sia aŭtobiografio (1963). Detaloj tamen longe restis nekonataj. Nur la aliro al liaj taglibroj (1908–1935) kaj al lia abunda korespondado ebligas pli bone kompreni, kial li lernis la lingvon kaj ankoraŭ en siaj finaj vivojaroj praktikis ĝin. Li partoprenis kvar Universalajn Kongresojn, interalie la 14-an UK en Helsinki (1922).

Kvankam Carnap poste ĉefe interesiĝis pri la konstruado de lingvo-sistemoj en simbola logiko, li konservis sian scivolon pri diversaj lingvoprojektoj ekde Volapük. Li ankaŭ kunlaboris kun IALA. Sed li rezistis provojn de Giuseppe Peano kaj C.K. Ogden tiri lin en ilian tendaron.

Carnap konsciis la malboniĝantajn ŝancojn de planlingvo por akceptiĝo, sed tio ne malfortigis lian apogon al Esperanto. Kiel montris kunpuŝiĝo kun Ludwig Wittgenstein, li malŝatis kontraŭstaron al Esperanto surbaze de ideologiaj antaŭjuĝoj. Li defendis la lingvan forton de Esperanto kaj la utilon kaj plezuron, kiujn donas ĝia praktikado. Esperanto estis por Carnap konsistiga parto de lia fido je paca, demokratia mondo. Dumvive inspiris lin la parolado de Zamenhof en la Kvara Kongreso en Dresden (1908) pri interhoma proksimiĝo per la uzado de komuna lingvo.

Biografio

Ulrich Lins naskiĝis en 1943, studis historion, politikan sciencon kaj japanologion en la Universitatoj de Kolonjo, Bonn kaj Tokio. Dum tridek jaroj li laboris en Bonn kaj Tokio por Germana Servo por la Interŝanĝo de Universitatanoj (DAAD). Li publikigis: La danĝera lingvo (1988 kaj 2015), tradukita en sep lingvojn; Die Ômoto-Bewegung und der radikale Nationalismus in Japan (1976). Redaktis: Edmond PrivatVivo de Zamenhof, 6-a eldono (2007). Pli ol cent artikoloj, ĉefe pri historiaj temoj, aperis en Esperanto, la germana, angla kaj japana. En 2018 aperis pri li la festlibro En la mondon venis nova lingvo, red. Gotoo Hitosi, José Antonio Vergara kaj Kimura Goro Christoph.

El Gazetaraj Komunikoj

Proponoj por la hibrida IKU en Belfasto bonvenaj ĝis 31.1.2021
Gazetaraj Komunikoj n-ro 924 (2021-01-18)

UEA invitas prelegi en la 74-a IKU-sesio en Belfasto
Gazetaraj Komunikoj n-ro 912 (2020-10-20)

IKU-libro 2020: rekorde elŝutita
Gazetaraj Komunikoj n-ro 900 (2020-08-10)

Programo de la Internacia Kongresa Universitato (IKU) en Montrealo
Gazetaraj Komunikoj n-ro 856 (2020-03-19)

UEA invitas IKU-prelegantojn por Montrealo ĝis 15.01.2020
Gazetaraj Komunikoj n-ro 841 (2019-12-25)

tekoiku2019 → rudolf carnap, ...
Supren
UEA, 2021