Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
La Kolekto por Planlingvoj kaj la Esperantomuzeo de la Aŭstria Nacia Biblioteko
Bernhard Tuider
Resumo

La Kolekto por Planlingvoj kaj la Esperantomuzeo – fonditaj en 1927 kiel „Internacia Esperantomuzeo“ – fariĝis en sia preskaŭ naŭdekjara kolekta laboro tre ampleksa fakbiblioteko por Esperanto kaj interlingvistiko. La instituto ne estas nur biblioteko kaj muzeo, sed ekde la fondo ankaŭ kolektas dokumentojn kaj arkivaĵojn de gravaj personoj kaj institucioj en la vasta kampo de interlingvistiko.

La unua parto de la prelego donas mallongan enkondukan superrigardon pri la historio, la havaĵoj kaj celoj de la Kolekto por Planlingvoj kaj Esperantomuzeo.

La dua parto, „la Universalaj Kongresoj en la virtuala legsalono“, prezentas elektitajn, jam ciferecigitajn dokumentojn pri la Universalaj Kongresoj – precipe publicaĵojn, fotojn, bildpoŝtkartojn, afiŝojn, muzeajn objektojn – kaj montros strategiojn por serĉi kaj trovi tiujn dokumentojn sur la retejo de la Kolekto por Planlingvoj.

Biografio

Bernhard Tuider (*1980) studis historion kaj Eŭropan etnologion en Wien. En 2007 li atentiĝis pri Esperanto verkante sian diplomlaboraĵon pri la pacifisto, esperantisto kaj Nobel-premiito pri paco (1911) Alfred Hermann Fried (1864-1921). Ekde 2008 li deĵoras kiel bibliotekisto en la Kolekto por Planlingvoj kaj Esperantomuzeo de la Aŭstria Nacia Biblioteko, ekde 2013 kiel teamestro. De 2010 ĝis 2013 li estis prezidanto de la Aŭstria Esperanto-Federacio, dum la somersemestroj en 2013 kaj 2016 li gvidis seminariojn pri Esperanto en la Leopold-Franzens-Universitato Innsbruck.

Supren
UEA, 2022