Pardonpeton!

La vera aspekto de la retejo ne povas por esti korekte rigardata per via retumilo.
La adreso:
Universala Esperanto-Asocio
Nieuwe Binnenweg 176, 3015 BJ Rotterdam, Nederlando
tel.: +31 10 436 1044
faks.: +49 30 364280169
rete: vidu la liston
 
tekoregularoj → regularo pri hm
Regularo pri Honoraj Membroj, Honoraj Prezidantoj kaj Diplomo pri Elstara Agado
Art. 1: Honoraj Membroj, Honoraj Prezidantoj, Diplomoj pri Elstara Agado

a) La Komitato de UEA, surbaze de propono de la Estraro de UEA, povas aparte distingi esperantistojn, kiuj faris gravajn servojn al la tutmonda Esperanto-Movado, per la titolo Honora Membro (HM).

b) Kiel Honora Prezidanto (HP) povas esti nomita nur esperantisto, kiu, krome, havis eksterordinarajn meritojn por UEA. Honora Prezidanto rajtas ĉeesti la kunsidojn de la Komitato.

c) La Estraro de UEA povas rekoni la agadon de esperantistoj por la internacia lingvo per Diplomo pri Elstara Agado por Esperanto (DEA).

Art. 2: Proponoj

a) La proponon por elekto de HM aŭ HP aŭ aljuĝo de DEA rajtas fari al la Estraro de UEA:

  • tri landaj aŭ fakaj asocioj, aliĝintaj al UEA, aŭ
  • kvin komitatanoj de UEA, kiuj ne estas estraranoj, kaj kiuj apartenas al minimume tri landoj.

Krome, la Estraro de UEA mem povas prepari proponon por elekto de HM aŭ HP aŭ aljuĝo de DEA.

b) Al la propono devas esti aldonitaj:

  • mallonga vivpriskribo de la kandidato kun precizaj plej gravaj datoj kaj kun la eventualaj titoloj
  • listo de verkoj aŭ studoj eventuale publikigitaj en Esperanto aŭ pri la Internacia Lingvo
  • priskribo de servoj kaj meritoj kun ĉiuj plej gravaj dokumentoj pravigantaj la proponon.

c) La proponon kaj ĉiujn aldonojn oni direktas al la Estraro de UEA pere de la Prezidanto de UEA almenaŭ ses monatojn antaŭ la Universala Kongreso.

Art. 3: Decidoj

La Komitato decidas pri la propono de la Estraro pri Honoraj Membroj kaj Honoraj Prezidantoj dum la Universala Kongreso per sekreta voĉdono.

La Estraro rajtas rekoni agadon por la internacia lingvo per Diplomo pri Elstara Agado, informante la Komitaton pri la distingitoj kun konciza pravigo.

Lasta revizio: aŭgusto 2007

tekoregularoj → regularo pri hm
Supren
UEA, 2021