Ĉinujo: printempa event-serio de Esperanto en Jiangsu-a universitato

El UEA-vikio
Iri al: navigado, serĉi
  -  Landa Raporto
Nia Mondo

25-a de majo 2022

Situo de Ĝansuo

Lastatempe en la urbo Changzhou de la provinco Jiangsu, Esperanto-asocio de Jiangsu-a Universitato de Teknologio (JUT) okazigis event-serion "Saluton de Esperanto". La serio okazis ĉefe rete. Unu el la eventoj estis la virtuala renkontiĝo "Konu Esperanon" en la 22-a de aprilo, kun ĉeesto de pli ol 400 studentoj. Sinjoroj Zhang Changsheng, prezidanto de Changzhou-a Esperanto-Asocio, kaj John Huang, prezidanto de IKEF-Nordameriko, partoprenis la eventon kiel gastoj.


En la renkontiĝo, John Huang prezentis la situacion de Esperanto kaj ĝia propedeŭtika valoro. Studentoj aktive faris demandojn kaj li respondis. Respondeculo raportis pri la Esperanto-asocio kaj Esperanto-kurso de JUT.

poezia voĉlegado en Esperanto en Changzhou - 2022

Krom la renkontiĝo, dum la serio okazis ankaŭ kolektado de salutkartoj kaj poezia voĉlegado en Esperanto. Invitite Zhang Changsheng prijuĝis la voĉlegadojn kaj elektis unu gajninton de la unua premio, du gajnintojn de la dua premio, tri gajnintojn de la tria premio kaj 25 gajnintojn de la memoriga premio.

Ligilo

Fonto: (eo) Zhao Wenqi (Venki), Printempa event-serio de Esperanto en jiangsu-a universitato Ĉina Interreta Informa Centro (2022-05-20)