ARKALKI : Afrika Reto de Kolektiva Agado

El UEA-vikio
Revizio de 09:59, 28 Okt. 2021 fare de Piet-c (Diskuto | kontribuoj)

(malsamoj) ← Antaŭa versio | Rigardi nunan version (malsamoj) | Sekva versio → (malsamoj)
Iri al: navigado, serĉi
Nia Mondo

27-a de julio 2021


Arkalki logo.png
Afrika Reto de Kolektiva Agado por la Lingva kaj Kultura Identecoj

Post kelkaj kontaktoj kaj spertoj stariĝis teamo de esperantistoj plejmulte el Afriko. La unua briko por la movada konstruaĵo alvenis pro la akcepto de projekto en la Universitato de Seviljo, Hispanio, kies nomo estis "Afriko en mondo de lingvoj". La projekto celis montri al la seviljanoj, ke Afriko estas en la centro de monda lingva ŝtormo: lingvaj kaj kulturaj identecoj rapide malaperas sub la premo de la hegemoniaj kulturoj kaj lingvoj.

La projekto realigis tekstojn kaj videojn pri la temo, el diversaj afrikaj landoj. Danke al tio, la konatularo iĝis teamo kaj decidis bone klarigi pri siaj celoj kaj etikaj principoj. La teamo pene laboris kaj laboras per malmultaj rimedoj, sed ekzistantaj danke al la ĝisnun sinsekva mona apogo de la Universitato de Seviljo.

Kiuj ni estas?

La teamo realiĝas danke al la daŭra partopreno de:

Aliaj helpas la atingon de rezultoj ekde pluraj flankoj. El Sud-Koreujo, Unika realigas la retpaĝon afriko.civiencia.io. El Hispanio partoprenas neesperantistoj, kiel Susana, profesorino pri antropologio, aŭ Silvia de la socia organizado MAD-Africa. Danke al la lasta projekto, la studentino Paula ĉeestas du monatojn en Togolando, helpante la celojn de la reto, sub la zorgo kaj gvido de Adjévi. La universitata entrepreno Civiencia SL, kies lingvo estas Esperanto, helpas la projekton ekde kelkaj flankoj.

Kion ni celas

La reto havas tri klarajn celojn: kunlabori por atingi konkretajn rezultojn en Afriko rilate al la fortigo de la triopo lingva digneco + kultura identeco + seksa egalrajteco. Ankaŭ ni havas principojn, kiuj regas nian laboron kaj estis kundeciditaj ekde la dua projekto (vidu pli fone ilin per afriko.civiencia.io/principoj):

Arkalki.png
  1. Kerna celo estas la justeco pri Afriko
  2. Specifa celo estas la lingva justeco en Afriko
  3. Nia laborlingvo estas Esperanto
  4. Unu homo = unu voĉo = unu samvalorinda opinio
  5. Ni estu kohera kun la seksa egaleco
  6. Ĉiu laboro nia sekvu la travideblecon kaj
  7. montru altnivelan kvaliton.

Kion ni faras

Ekde la dua projekto ni konkretigis la celojn pere de la realigo de rakontoj. Per pasinta projekto ni realigis konkurson en niaj ses afrikaj landoj. La konkurso akceptis plurajn lingvojn kaj postulis, ke la enhavo estu rilatita al almenaŭ unu el la tri celoj de la reto. En ĉiuj landoj oni reklamis, ricevis proponojn, legis, selektis kaj premiis. La premioj konsistis en la donaco de mono kaj materialoj por studo, kiel libroj kaj similaj.

Nuntempe nia projekto plibonigas la rakontaron, realigante duan selekton kaj plenigante la truojn. Kiuj truoj? Ni celas havi almenaŭ po du bonajn rakontojn en naŭ ĉeloj, kiuj rezultas de miksi la tri celojn kun tri aĝoj (bazlernejo, mezlernejo kaj universitato, aŭ similaj). Post tiu atingo, ni provos la rakontojn en la edukada sistemo ĉi tiel: oni legigas la rakontojn al lernantoj kaj stimulas pensi, diskuti kaj labori pri la enhavo. Kaj antaŭ kaj post la sperto, oni mezuras la nivelon de konscio pri la tri celoj, tiel ke oni povos scii ĉu la rakontoj utilis movi ion en la menso de la lernantoj.

Ĉiuj rakontoj estos disponeblaj en la reto de ARKALKI per pluraj lingvoj kaj eĉ sonregistritaj.

Kiel kontakti nin

Se vi konas iun el la menciitaj teamanoj, bonvole kontaktu ŝin aŭ lin. Se vi konas neniun, skribu al Viko (viko@civiencia.io).

Kiel helpi nin

Nia laboro bezonas homan kaj monan apogon. La mono alvenis ĉiam de la Universitato de Sevilo. Sed tio ne estas garantio. Ĉiam oni devas peni redakti bonan projekton kaj konkuri kun multaj aliaj, kiuj ankaŭ petas monhelpon por interesaj allogaj agadoj en la mondo. Kiel kutime en universitatoj, la mono estas malmulta kaj venas malfrue. Sed ĝi estas vera bona helpo. Ni havas rezultojn atingitajn, strukturon, celojn, bonan teamon... ĉio el ili estas ege pozitivaj por atingi apogon de aliaj institucioj.
Eble vi, kiu legas ĉi tion, povas esti la peranto, kiu redaktos aŭ kunredaktos projekton por alia alvoko, helpante la reton ARKALKI.

Je la flanko de la homa apogo, ni bezonas tradukistojn kaj voĉojn.
Eble vi proponos vin por traduki rakontojn en vian lingvon aŭ registrante legi ilin.

Fonto