Kameruno kongresis
13-a de januaro 2022
Kameruno kongresis en Dualao de la 15-a ĝis la 18-a de decembro 2021. La unua tago de la renkontiĝo sub la instigado de la membro de la Afrika Komisiono de UEA Victor Ntonto, koincidis kun la Zamenhofa festotago, ankaŭ nomata la Tago de Esperanta libro. Tiu ĉi estis solane festita de la kongresanoj.
La kongreso interalie pritraktis la revigligon de Asocio de Esperantistoj en Kameruno (AEK). Dum la kongreso okazis ankaŭ prelego de s-ro Thomas Wang pri la internacia lingvo Esperanto, ĉeestaj lingvaj kursoj por la publiko, ekspozicio kaj kunmanĝo en la privata altlernejo ISECMA, la hejmo de la kongreso.
La kongreso efektiviĝis kun sukceso dank’ al la sidonema laboro kaj kotizoj de enlandaj
esperantistoj kaj ankaŭ per subteno de la Afrika Centro Esperantista (ACE).
AEK (france: Association Espérantiste Camerounaise) estas la landa asocio de UEA por Kameruno, kun retpoŝtadreso:
victornto36@gmail.com
Verkis: Victor Ntonto
Fonto: 2021-12-31 : Kameruno kongresis (p9/10)
